鄭嘉穎透露拍攝激情戲前，已向正佗第二胎的老婆陳凱琳備案。
昨日（11日）是由鄭嘉穎、朱晨麗和陳靜（Dada）等主演的新戲《焚身》進行開鏡拜神儀式，老闆黃百鳴亦親身到場支持。今次是鄭嘉穎宣布太太陳凱琳（Grace）懷第二胎後首度現身，他透露新戲中會飾演醫生，更是朱晨麗老公，不過後來會跟患精神病的「小三」Dada出軌，搞到好大鑊：「惹來一身麻煩，就嚟家破人亡！呢套戲係告誡已婚男士睇，提醒大家千祈唔好出軌！」（文：莫韻、植筱詩 圖：互聯網）
在新戲中飾演嘉穎太太的朱晨麗，透露導演加了一場跟對方的親熱戲：「身為演員喺呢方面沒有底線，只要投入演出就OK！」又說要素顏演出，所以要好好保養皮膚。問對自己的素顏是否很有信心？朱晨麗笑道：「導演說效果不錯。」飾演「小三」的Dada則笑稱會有淋雨濕身戲，又會跟「正印」朱晨麗上演打交戲，她說：「女仔打交戲很少見，打得好激，勁過扯頭髮，大家要拭目以待。」
拍激情戲要同老婆備案
問到嘉穎在戲中與陳靜會否有激情戲？他自己認為不算太激：「喺電影嘅角度唔算，相比電視就多啲。」嘉穎透露事前已向正佗第二胎的Grace備案：「有個好處係佢都係演員，都會明白。」至於Grace會否來監場？他直言太太有身孕不方便來探班：「呢度又咁熱，都想佢盡量少啲出街。佢性格坐唔定，喺屋企就覺得浪費時間，想佢需要休息就休息。」
鄭嘉穎將預產期及胎兒BB性別留待陳凱琳公布。
鄭嘉穎和朱晨麗在戲中飾演夫妻，並育有一名兒子。
鄭嘉穎表示兒子Rafael還未知即將「升呢」做哥哥。
鄭嘉穎、朱晨麗、陳靜等出席新戲《焚身》開鏡儀式。
預產期留待太太公布
當談及Grace的預產期及胎兒BB性別時，嘉穎一律留待太太公布，僅表示：「都等佢講啦！我驚我講錯嘢呀！」另外，嘉穎表示兒子Rafael還未知將「升呢」做哥哥：「佢嘢都未識講，淨係講火星話。」談及家裡快添新成員，是否要努力賺奶粉錢？他坦言：「呢個時候有工開已經好幸運，我又未退休，都唔可以日日喺屋企。」
否認代妻還劇債傳聞
最近有傳Grace欲離巢外闖，故嘉穎代老婆還劇債，返無綫拍攝新劇《兒童醫院》。對此，嘉穎坦言不排除會回巢拍劇，但他稱計劃未落實，適當時再談。對於「代妻還劇債」的說法，他笑言︰「會有咁嘅事？父債子還呀？會不會有這種事？唔好信！」至於Grace是否離巢，嘉穎表示詳情要問當事人：「佢當年應該簽咗好長，之前好似都有出席活動，不過具體下次你哋問佢啦！」
下載APP