昨日，古天樂（古仔）及劉青雲為宣傳新戲《危城》，一起於電影官方Facebook專頁和網民玩Live直播。有網民叫古仔再開金口唱歌，古仔見到即嬲豬表示自己已金盆洗手多年。問到兩人最想邀請哪位演員加盟演出？古仔就搞鬼叫劉青雲搵老婆郭藹明出山演情婦，令劉青雲即場爆笑。
古天樂同劉青雲於Facebook專頁和網民玩Live。
在大約五分鐘的互動時間中，最多網民留言表示想聽古仔再開金口唱歌，古仔即笑言：「我金盆洗手咗好耐。」其後，有網民叫他和劉青雲下次一起合唱電影主題曲，更有人表示好掛住古仔的舊歌〈男朋友〉，古仔見到即嬲豬表示：「呢位朋友，你冇病吖嘛？唔好搞啦！」一旁的劉青雲則一臉正經說：「我係唔唱歌㗎！」
劉青雲直言同古仔唔熟
近年，古天樂與劉青雲經常合作，兩人坦言感覺「好鬼悶」。有網民問兩人有沒有試過意見不合嗌交？劉青雲笑言：「其實我哋唔係好熟，除咗拍戲之外，大家冇乜點講嘢，冇機會嗌交。」當被問到兩人皮膚為何一直都很黑時，古仔表示：「係燈光問題，我長期燈光唔夠，先令大家覺得我咁黑。」
直播20年前錄定？
問到如果擔任導演，兩人最想邀請哪位演員加盟演出？劉青雲表示不用邀請了，因為已經冇位再加人。身旁的古仔即搞鬼提議：「可以加郭藹明做你情婦。」談及兩人下次希望拍動作片還是搞笑片時，劉青雲說：「動作片好啲，搞笑片好辛苦㗎。」最後網民問兩人如何保持20年如一日？劉青雲幽默表示：「其實呢個直播係20年前錄定嘅。」
古天樂鬼馬提議劉青雲搵老婆郭藹明出山演情婦。
下載APP