胡杏兒自參加內地歌唱節目《跨界歌王》以嚟，一直受到唔少批評。繼上次唱〈Someone Like You〉同〈愛如潮水〉唱到面容扭曲後，杏兒喺表情拿捏方面有咗好大改進，歌藝亦進步唔少。日前，杏兒翻唱電影《我的少女時代》主題曲〈小幸運〉，但版本就有啲唔同，因為杏兒係唱粵語版，令唔少網民都眼前一亮。
胡杏兒獻唱〈小幸運〉粵語版，令唔少網民都眼前一亮。
喺內地歌唱節目獻唱廣東歌，杏兒的確喺網民心目中挽回分數。不過，有網民指杏兒所唱嘅粵語版〈小幸運〉，係由高登討論區一位名為「挽歌之聲」嘅網民填詞，但節目「作詞」一欄只列出原詞人嘅名，就冇將改詞人「挽歌之聲」列入該欄，網民隨即炮轟杏兒「偷詞」。有網民指杏兒將歌詞中嘅「滲」、「遏」、「莞」等字發錯音，狠批佢演出前應該做好功課，咁樣先係對填詞人嘅尊重。
胡杏兒唱〈愛如潮水〉走晒音不得止，個表情仲要勁痛苦。
下載APP