ViuTV劇集《瑪嘉烈與大衛系列：綠豆》，自開播以嚟被唔少網民追捧。雖然劇集已經大結局，但一直是非不斷。繼早前有傳廖碧兒喺片場扮大牌後，日前又爆出兩位導演同監製兼編劇「南方舞廳」不和。據聞兩位導演過於偏袒周家怡，為咗令佢個角色冇咁乞人憎，任由周家怡改劇本，甚至最後一場重頭戲都改咗對白，嚴重偏離原本角色設定，令「南方舞廳」嬲爆，最終將有關鏡頭刪走。
周家怡話改劇本只係想令角色更人性化。
對此，周家怡接受採訪時話自己劇中嘅角色同預計有偏差，佢話：「最初開會時，我都唔知自己嘅角色係咁水性陽花，好擔心大家唔鍾意，因為我最初只得四集劇本。」對於有傳導演畀自己任改對白？周家怡解釋：「其實我冇乜點改過劇本，只係最後一場，我只係想令角色更人性化。」問佢有冇同廖碧兒爭戲不和？周家怡否認：「梗係冇啦！一套劇好睇唔係一個人，全部角色都要發揮效用。」
周家怡否認同廖碧兒爭戲分，話劇集成功係所有人嘅功勞。
下載APP