《狂野時速》系列男星雲迪素（Vin Diesel），主演嘅荷里活電影《3X反恐暴族：重火回歸》，將於明年年初正式上映。除咗舊拍檔森姆積遜（Samuel L. Jackson）助陣演出外，今次仲加入唔少華人面孔，包括韓國男團EXO前中國籍成員吳亦凡，同埋「宇宙最強」甄子丹，而泰國拳霸Tony Jaa亦有份演出，扮演甄子丹同黨，雲迪素好有可能喺戲中向兩人挑機。
甄子丹（左）同雲迪素因合作新戲變得非常老友。
雲迪素喺新戲中飾演嘅Xander Cage，外號叫「TripleX」，被美國國安局睇中佢健碩兼靈活嘅身手，失驚無神由X Game愛好者變為特工。噚日，電影公司公開首條預告片，一開始森姆積遜喺一間中式酒樓食點心，之後甄子丹凌空跳起以一敵十。而最多鏡頭嘅當然係雲迪素，佢先從高空跳下，再以滑雪工具著陸及滑行，之後再以大大隻飛毛腿掃低敵人，埋身肉搏嘅動作場面令人應接不暇。
大隻佬雲迪素今集再次上天下海，挑戰特工極限。
下載APP