風靡全球的任天堂手機遊戲《Pokémon Go》，於澳洲、紐西蘭、美國和加拿大等國家登場後，即牽起一股遊戲熱潮。正當港澳粉絲都十分期待《Pokémon Go》何時登陸時，昨日周秀娜就話會在下午5時於Facebook直播玩《Pokémon Go》，令到粉絲以為遊戲已經登陸，但其實只是周秀娜穿上比卡超服飾，在商場內走來走去，結果被一眾《Pokémon Go》粉絲大罵她無聊兼白痴！
昨日，周秀娜在Facebook發文表示：「終於有得玩《Pokémon Go》喇！一陣獨家率先Live玩港版『Pokémon Go』。」即時吸引唔少網民熱烈討論，有網民就質疑其真偽，但周秀娜就堅持：「係真！而家練習緊，一陣玩Live唔會失禮大家，希望大家睇我搶先玩都開心。」
周秀娜扮比卡超上演「Pokémon Go」真人版，最後玩出個大頭佛。
周秀娜向途人收集各種物品完成任務。
網民：違反商品說明條例
其後，周秀娜在Facebook上傳了一段長達25分鐘的短片。在影片中，她穿上比卡超服裝上演「Pokémon Go」真人版，全程在商場走來走去，向途人收集各種物品完成任務。不過，短片出街後即狂收逾6,000個「嬲」，不少渴望玩《Pokémon Go》的粉絲就說：「玩還玩，唔好攞《Pokémon Go》嚟玩。」更有網民指她違反商品說明條例。
對於玩出個大頭佛激嬲網民，周秀娜叫大家不要太認真。
娜姐叫大家唔好咁認真
對於玩出個大頭佛激嬲網民，周秀娜表示：「大家唔好咁認真，我自己都等咗好耐，我就諗緊，可以點樣玩呢？但又未Download得，咁不如自己玩住先。對於《Pokémon Go》嘅粉絲，我只能講一句：『我都未Download到呀！』」問她會否擔心因此惹來負評？周秀娜再次強調：「大家唔好咁認真，希望大家開心啲。」
周秀娜話可以率先玩《Pokémon Go》，令不少網民都信以為真。
下載APP