美國百變天后Lady Gaga同美劇《吸血新世代》男星Taylor Kinney，喺2011年合作拍攝MV撻著。去年情人節，Taylor向Gaga求婚成功，當時Gaga興奮喺Instagram公布喜訊，並大晒心型訂婚鑽戒。噚日，美國媒體大篇幅報道話兩人已於本月月初分手，仲話佢哋近年聚少離多，「遠距離」係導致分手嘅主要原因。而Gaga連日喺社交網站貼出嘅相，見到佢已經冇戴訂婚戒指。
今年年初，Lady Gaga仲高調大晒訂婚鑽戒放閃。
消息傳出後，Gaga喺Instagram承認同Taylor已經分手，佢話一直相信同Taylor係靈魂伴侶，但工作的確有影響佢哋嘅關係。Gaga話：「和所有情侶一樣，我們感情也會經歷高低起跌，現在暫時分開。我們都是很有野心的藝術家，想在遠距離和緊密的形成下，嘗試繼續去延續我們簡單的愛情。請繼續支持我們，我們就像其他人一樣，以及我們真的很愛對方。」
Lady Gaga承認同Taylor已經結束五年情。
下載APP