近日，吳業坤（坤哥）打低其他一線歌手，成功取得8月暑假檔期喺紅館舉行首個演唱會。消息傳出後，有網民就取笑佢只得七首作品唔夠歌唱。對此，坤哥出席活動時就大放豪言：「一日都賣晒（飛）啦！」即被網民直指囂爆。事後，坤哥自覺瀨嘢，即時喺Facebook貼出一張戴頭盔嘅相，強調自己只係講笑，佢話：「我以後唔再講笑，因為唔好笑。」
被網民批評囂張後，吳業坤戴「頭盔」強調自己只係講笑。
噚日，坤哥現身電台宣傳新歌〈被單身的人〉同下月喺紅館舉行嘅個唱。佢話而家拍劇同演唱會彩排同時進行，好多謝劇組畀時間佢為個唱作準備。講到日前自誇門票「一日賣晒」被網民批評囂張，坤哥就話自己非常後悔，佢話：「會警惕自己，以後講笑會睇場合。知道禍從口出，而家會小心講嘢。呢個騷嘅背後有好多人，所以自己講嘅嘢有可能連累埋佢哋。」
吳業坤話以後講笑會睇場合，唔會再亂講嘢。
下載APP