日本混血女模水原希子，去年簽約Angelababy旗下經理人公司主攻內地市場，今年獲邀演出內地女星趙薇執導嘅電影《沒有別的愛》，成績有目共睹。不過，呢套戲最近捲入政治風波，搞到水原希子要為事件拍片鞠躬道歉。作為水原希子老友嘅王菲大女竇靖童（童童），即時轉發影片，希望幫老友解畫，點知童童此舉又惹嚟網民嘅圍攻。
竇靖童同水原希子感情一直都好好，兩人曾多次一起出遊。
對於童童公開力撑老友水原希子，有網民就問佢點解剩係幫水原希子，而冇為同樣捲入事件嘅趙薇發聲？因此，有唔少趙薇嘅粉絲湧入童童微博留言謾罵，結果噚日童童一夜間刪走所有微博貼文，仲取消對所有人嘅關注，疑似抵受唔住網民嘅圍攻，一怒之下清空微博。對此，有網民就留言話唔使大驚小怪，佢仲話：「反正想要中國市場的，遲早會回來。」
水原希子上傳近五分鐘影片澄清「辱華」事件。
下載APP