倪晨曦近日出街都有戴口睪。
武漢肺炎肆虐全球！不少藝人的婚禮都受到影響，早前姜麗文宣布跟圈外男友結婚，但為安全忍痛延遲婚禮。而另一「IG女神」倪晨曦（Elva）與未婚夫Vincent本於今個月26日在香港註冊及舉行婚禮，而Elva一班好姊妹上月已在夏威夷為她舉辦了婚前派對，不過由於武漢肺炎近日在香港有蔓延趨勢，更出現首宗死亡個案，今日（5日）就有傳媒報道指Elva的婚禮決定押後。
其後，準新娘Elva再接受港媒訪問，她表示：「其實真係未落實係咪延期，只係有考慮過呢個可能性，人流聚集始終都唔係咁好，但始終婚禮改期真係要考慮好多嘢，呢幾日會密切同未婚夫屋企人同埋自己屋企人溝通，了解佢哋嘅意願，當然大家嘅健康最重要。」她希望過多一個星期，因應疫情在社區的情況，作出最妥善的安排。問她若婚禮延期會不會有焦慮，她則以平常心面對，最緊要大家注意衛生和健康。（編輯：黎永樂）
下載APP