林海峰在紅館舉行的一連六場「是但噏廣東話」棟篤笑，日前來到最後一場。除了楊千嬅、張智霖、袁詠儀、蔡一智、蘇志威、蔡一傑等好友現身外，老婆彭羚亦特別前來支持。一向對感情事十分低調的林海峰，當晚趁機在台上向老婆發表愛的宣言，搞到彭羚即時感動爆喊。
日前，林海峰在香港紅館舉行最後一場棟篤笑。
這次棟篤笑主要圍繞「廣東話」，舞台以三面台設計，背景以最貼地的舊屋邨做背景。身為兩女之父的林海峰，亦有關心女兒的功課壓力等問題，他更抵死地二次創作「般若波羅蜜多心經」，諷刺家長的教育方式：「識即係識，唔識就係唔識，A即係B，B即係C，肥佬又唔會做乞兒嘅。」
向彭羚發表愛的宣言
其後，林海峰在台上公開多謝老婆彭羚，他坦言：「好多人都會喺演唱會做呢樣嘢，雖然我自己覺得好『娘』，但亦希望將感情表達出嚟。」之後，林海峰大聲向彭羚發表愛的宣言：「當年喺TVB嘅化妝間，第一眼見到佢就覺得係呢個人喇！我覺得自己嘅決定冇錯，因為有佢先有我，多謝你。」一番深情告白令彭羚即時感動落淚。
感激葛民輝支持
在接受訪問時，被問到為何鮮有公開示愛？林海峰表示：「想借觀眾嘅掌聲獻畀佢，因為呢個騷唔係屬於我一個人嘅，佢都有份。」提到每場演出都會來捧場的好友葛民輝，林海峰坦言感激老友支持，他說：「睇完演出後，佢要即刻趕去參加仔仔畢業禮。之前邀請佢時，都唔知演出會同佢仔仔畢業禮撞期，所以好多謝佢。」
林海峰一番深情告白令老婆彭羚即時感動落淚。
林海峰感激好友葛民輝每場演出都來支持。
下載APP