薛凱琪（Fiona）忙完同麥浚龍合唱嘅新歌〈結〉嘅宣傳活動後，即時飛去越南拍攝黃真真導演新戲《閨蜜2》。新戲除咗Fiona同台灣女星陳意涵等原班人馬外，仲加入另一台灣氣質女星張鈞甯，其實三人一早已經認識，所以開工第一日已火速打成一片。今集故事講到陳意涵就嚟結婚，幾個好姊妹一齊飛去越南展開婚前神秘刺激嘅單身之旅，但其間卻闖出大禍，製造唔少笑料。
忙完同麥浚龍合唱嘅新歌後，薛凱琪火速飛去越南拍攝新戲。
日前，三位女主角穿上越南傳統服飾出席開鏡儀式，Fiona話：「好鍾意自己嘅越南妹造型，開工已經一個禮拜，幾乎每日都要拍通頂。雖然好攰，但我同陳意涵、張鈞甯一早就識，所以開工我哋會不停傾偈、好似一班八婆仔咁，每日開工都好開心。」除咗拍戲開心，越南嘅美食亦令Fiona非常滿足，佢話：「呢度啲法包、河粉，全部都好Yummy！我真係要好好控制自己，否則後果不堪設想。」
除咗薛凱琪同陳意涵之外，今次仲加入張鈞甯（中）一齊演出。
下載APP