早前，余文樂（樂仔）參加內地真人節目《我們相愛吧》第二季，同細十歲嘅內地女星周冬雨演出假想情侶，因而喺內地人氣急升。樂仔喺節目中嘅「深情大叔」形象，除咗俘虜一班少女粉絲，更獲得內地知名導演馮小剛垂青，邀請樂仔參與佢自導自演嘅電影《手機芯戰》，令唔少粉絲都十分期待兩人嘅對手戲。
余文樂貼出同馮小剛喺片場嘅合照否認不和傳聞。
噚日，有消息指首度合作嘅兩人喺北京片場為劇本問題起爭執，仲話馮小剛喺現場嬲到成塊臉都紅晒，最後更喺樂仔面前怒撕劇本。消息傳出後，即時成為熱話。隨後，樂仔喺微博貼出一張同馮小剛喺片場嘅合照，仲話：「與馮導首次合作拍片，收穫很多。」相中見到馮小剛單手搭住樂仔膊頭，兩人言談甚歡，氣氛融洽，令不和嘅傳聞不攻自破。
余文樂同周冬雨演出假想情侶，俘虜咗一班內地少女粉絲。
余文樂潮牌網店已停運
余文樂時裝品牌網店停業
余文樂定居台灣做湊仔公
余文樂與四歲大仔如餅印
余文樂揚言要衝出亞洲
余文樂：我不是要賺很多錢
余文樂：我不是要賺很多錢
拍片表示遺憾未能親自來澳領獎
下載APP