日本任天堂遊戲寵物小精靈推出嘅新App「Pokemon Go」，成功令全球粉絲著迷！近日，網上就有唔少片段睇到一大班人一齊外出捕獲小精靈，都咪話唔熱鬧！至於美國歌手John Mayer都有玩呢個遊戲，為咗成功捕獲小精靈，佢仲不惜課金100元美金（繼澳門幣800元）買代幣，有網民就話佢的的確確係贏在起跑線！另外，亦有網民就話喺睇英國歌手Adele演唱會時，有小精靈現身，真係令人充滿驚喜！
最後都唔怕同大家介紹返，「Pokemon Go」之所以咁紅，喺因為呢款遊戲要用GPS定位嚟玩，仲要求玩家外出（喺屋企玩唔到架！）去唔同地方，包括：公園、地標、海邊、餐廳、地鐵站……等唔同地方去捕獲小精靈，等班宅男唔使成日留喺屋企打機，多啲出街見下世面。之前喺外國就試過要去當地一間警察局先可以搵到遊戲嘅道具，搞到警方要呼籲大家唔好為咗打機，阻擾警察嘅日常工作。
講到咁吸引，係咪想玩？未得，因為隻遊戲未喺澳門上架，精靈迷要再等等。
下載APP