早前，鄧紫棋（G.E.M.）因為將Beyond嘅〈喜歡你〉改編成電子舞曲，而被網民批評。不過，G.E.M.就好似冇乜理會，皆因佢繼續去改編其他歌曲，而今次嘅對象就係Big Bang成員太陽嘅獨唱歌〈Eyes, Nose, Lips〉！G.E.M.就話雖然自己唔識韓文，但第一次聽到呢首歌已經好有畫面，所以就特別為呢首歌填咗個中文歌詞！
鄧紫棋喺網上公開佢嘅改編作品〈紅薔薇白玫瑰〉。
G.E.M.喺網上公開佢嘅作品之後，短短兩個小時就已經有過千名粉絲分享，以及過萬嘅按讚及瀏覽。G.E.M.今次以略帶沙啞嘅聲線唱出呢首令人心碎嘅歌，仲將翻唱歌改名為〈紅薔薇白玫瑰〉。雖然有粉絲話歌曲變成中文後，感覺有啲唔慣，但亦有粉絲話太陽嘅韓文版本同G.E.M.嘅中文翻唱各有特點，仲希望兩人可以喺音樂上有交流。
有粉絲就希望鄧紫棋可以同太陽互相交流音樂。
下載APP