2014年，周永恒被爆背著趙頌茹偷食兼疑似家暴。
對於被拍到跪拜警察求情，周永恒聲稱是放低電話在地上。
周永恒負面新聞從未停過，更自稱為人渣。
周永恒於社交平台貼出太太與囝囝的合照，以示現在的生活美滿。
自稱人渣的世紀賤男周永恒，前日（10日）凌晨在香港尖沙嘴涉打架被捕，有報道指周永恒在被捕時，情緒激動，並跪拜警察求情三分鐘。
不過，事後周永恒表示當日沒有打架，而是被人打：「 不知為何成日出街都被人打。」至於被指一度跪拜警察求情，他否認：「 我係拍下警察問我嘅過程，我放低個電話喺地下，手機影到佢哋嘅腳。」（文：植筱詩）
涉嫌在公眾地方打架被捕的周永恒，於警署逗留约小時後，在周父保釋後離開警署，他亦接受傳媒訪問。對於事件發生經過，他聲稱自己是受害者：
「我唔係同人打架，我係畀人打，我都唔知點解成日出街都畀人打。」問到有無還手自衛？周永恒否認：「佢（涉案男子）話佢嘴傷咗，但佢又冇去驗傷喎，我就去咗醫院喇。」
指CCTV可證「 清白 」
周永恒指自己入院是因為他本身頭部有個瘤：「因為我個頭有個瘤，個頭唔可以受撞擊，我會死?，好彩照完 X光，醫生檢查完，個瘤冇事，之後坐白車返差館接受調查，因為我冇請律師，先至喺差館逗留咁耐啫。」他又聲稱便利店的 CCTV可以證明自己「清白」：「係我被人打完，自己報警?，睇返閉路電視就知咩事。」
澄清影低警察盤問過程
至於為何向警察下跪？他表示當時想保護自己：「唔係（下跪）呀，係我想保護自己，影返差佬問我嘢嘅過程，我係放低個電話喺地下度，我手機影到佢哋啲腳，我都有大聲叫其他人幫我拍低當時嘅情況。」問太太是否很擔心？他說太太返了廣州，但已通知太太事發經過，又說自己已經不是圈中人，所以不想講太多，並稱囝囝好得意，自己不會胡作非為。事後，周永恒於社交平台貼了一張太太與囝囝的合照，以展示自己現在的生活美滿。
曾多度捲入醜聞
現年 35歲的周永恒，曾多度捲入醜聞。2004年他在住所藏有廿粒軟性毒品，藏毒罪成被判 18個月感化令，接受感化令期間被拍得醉酒後於街頭涉毀壞公物。2014年，周永恒被揭發出軌，育有兩女的趙頌茹決定離婚，更披露曾被周永恒虐打。之後，周永恒到趙頌茹住所吵鬧，被控普通襲擊罪，最終被判囚兩個月，緩刑 18個月。後來他向傳媒表示內疚，更自稱人渣，希望獲原諒。在去年 6月，他迎娶內地老婆陳薇，其後誕下兒子周聖恩。
下載APP