噚日，婚後嘅吳雨霏（Kary）著上平底鞋現身活動，有記者就發現佢個肚微微隆起，孕味極濃！不過，Kary就否認懷孕，佢仲話同老公出埠旅行三個星期，身形反而瘦咗好多。問到係咪因為有咗BB所以冇乜胃口？Kary就話：「大家太敏感啦！」記者再追問為何著平底鞋？Kary只係簡單答：「係Fashion！」
吳雨霏出席活動，被問到同老公嘅近況。
Kary今次同老公出埠，走訪英國、美國同加拿大等地，雖然有時差，但兩人都好享受二人世界。Kary講：「好搞笑，我去旅行時好多人問我係唔係要退休，我只不過話今年唔出碟，冇話唔唱歌，今年唔出可以下年出。」問到如果出年有BB，會唔會影響出碟？Kary笑住咁答：「我嘅計劃好隨心，但想享受下二人世界。（旅行時不設防？）冇乜特別……好Enjoy，都有食蠔和飲酒。」
講到生B計劃，吳雨霏就話好隨心。
下載APP