黎明四大天王暫不重聚

日前，黎明參加內地節目《隱藏的歌手》錄影，喺節目中接受模仿者嘅挑戰，節目組仲特別為佢提前慶祝49歲生日。喺接受採訪時，黎明話對自己「天王」嘅身份從來都唔會太Care，佢話：「我一直覺得自己只是在完成工作，從來沒覺得自己是天王，我的人生是屬於整個樂壇的，人家想讓我唱，我就努力唱好我的歌。」

「四大天王」上次同台已經係2007年。

問到「四大天王」會唔會再次同台演出，黎明直言暫時冇必要重聚，佢話：「每個人都有他獨特的地方，四個人在一起的話，對媒體或者對某些商業演出是有幫助的，但對我們四個來說，我們大家時間都不一樣，有的有孩子了，有的喜歡賽車，連嗜好都不一樣，重聚暫時沒有特別的必要。」至於對上一次「四大天王」同台演出已經係2007年，佢哋當時一齊合唱〈始終有你〉。