台灣第27屆「金曲獎」於上周六盛大舉行，當晚大會邀請女星徐熙娣（小S）同蔡康永擔任頒獎嘉賓，而小S就拎蘇打綠主音青峰嚟講笑，不停叫對方「峰姐」，搞到台下嘅青峰非常尷尬，仲兩度對住台上大叫：「放屁！」之後扮嬲作狀離場。事後，唔少蘇打綠嘅粉絲都表示強烈不滿，雖然之後青峰喺微博發文安慰粉絲，但事件仍喺網上引發罵戰。
小S同蔡康永頒獎時，不停拎青峰嚟講笑。
被小S不停叫「峰姐」，青峰就喺台下作狀扮嬲。
噚日，小S喺Facebook發文公開向青峰道歉，佢話：「自己說了一些話，傷了一個好友的心，感到很抱歉。這件事讓我上了一課，再好的朋友，都不該標籤別人。原來我覺得幽默的事，卻可能傷到別人。」小S話雖然同青峰已經和好，但自己仍在反省中。其後，蔡康永亦轉發小S嘅文章，佢話喺「金曲獎」開咗一個唔正確嘅玩笑，當時係自己陪小S一齊犯錯，所以道歉都應該一齊道歉。
瞓身趴地演繹校園純愛
汪小菲赴台火拼大S家人
汪小菲傳今日抵台未見蹤影
小S激動攬夫：以為你不愛我了
魚丁系有望重獲「蘇打綠」商標
小S指大女16歲許曦文正考慮入行
小S大女16歲許曦文傳擔正
小S深夜扮姐夫又唱又跳
拍片表示遺憾未能親自來澳領獎
下載APP