峇里島有間「Naughty Nuri’s（刁廚紐利）」，主打的豬肋骨人氣之高，被網民列為峇里島三大非吃不可的美食之一。繼先後進軍馬來西亞及新加坡後，幾個月前悄悄襲澳，除搬來醬香肉嫩的招牌豬肋骨，還帶來多款特色印尼小菜！
招牌燒豬肋排 MOP 80（下午茶版本）
下午茶時段供應的分量較晚市小，最啱一人獨食。（李國星攝）
沙嗲串燒 MOP 44/ 四串
沙嗲醬由印尼師傅調製，香濃惹味，可選雞肉或豬肉。
餐廳開業不久已經常高朋滿座，唔想摸門釘，記得預先訂位。
澳門店插旗福隆新街，由舊樓改裝的店門充滿懷舊感，店內裝潢卻跟足峇里店風格，一派美式工業風，加上樓高兩層，空間感十足。幾位年輕老闆同樣是「Naughty Nuri’s」的忠實粉絲，開店前更遠赴峇里總店取經，重複練習煮法及調味，保證原汁原味。如餐牌上的燒烤，每個工序都跟足總店做法，利用印尼火山岩傳熱，烤肉帶煙燻香氣，味道零舍不同。
豬肉鮮嫩軟腍，軟骨又帶有嚼勁，加上香濃醬汁，令人「肉」罷不能。
清新柚子雞絲沙律 MOP 78
青瓜絲、柚子、花生及雞絲拌入自製椰汁，味道有點像印尼糯米雞。
至於重頭戲「豬肋骨」就選用巴西豬肉，先以多種印尼香料醃製約五小時。大啖一咬，烤肉醬味道香濃，肉質更是鬆軟多汁，建議蘸上自家改良的印尼辣醬，更加惹味。除此之外，亦從印尼店引入沙嗲、漢堡、印尼炒麵及炒飯等當地人氣菜式，必試由印尼師傅調製醬汁的雞肉沙嗲，嫩滑肉質搭配惹味醬汁，令人停不了口。不得不提，澳門店特別研製出幾款限定菜式，包括「熔岩芝士香脆熱狗」及「清新柚子雞絲沙律」等，前者靈感來自峇里島的火山，在熱狗內夾入大量芝士，香脆且「芝」味十足；後者則以自製椰汁拌勻雞絲及青瓜絲等食材，爽脆清新兼帶淡淡椰香，啱晒夏天食！
熔岩芝士香脆熱狗 MOP 48
熱狗內藏芝士腸及洋蔥粒等，口感十足。
以紅椒粉及Creamy芝士，模仿火山熔岩。
下載APP