曾出過兩張唱片嘅胡杏兒，最近現身內地歌唱節目《跨界歌王》擔任參賽嘉賓，更現場挑戰英國巨肺歌后Adele嘅名曲〈Someone Like You〉。喺試唱環節時，杏兒表現失準，更被評判之一嘅黃韻玲批評用錯方法，完全冇感情。但經過評判商議後，決定畀杏兒上舞台繼續唱，之後杏兒唱得非常投入，最後順利過關之餘，更獲另一評判巫啟賢大讚。
胡杏兒最近現身內地歌唱節目《跨界歌王》，擔任參賽嘉賓。
節目播出後，杏兒演唱〈Someone Like You〉嘅片段喺網上瘋狂洗版，唔少網民都大讚佢唱得好。噚日，杏兒喺Instagram發文多謝大家嘅支持，佢話：「第一次面對著評委，心臟像是要從嘴巴跳出來，我覺得彩排時永遠比現場發揮得好一點，這是我的毛病。」杏兒話自己真係好鍾意唱歌，好多謝《跨界歌王》呢個節目令自己可以重拾呢份心跳嘅感覺。
胡杏兒挑戰Adele名曲〈Someone Like You〉，唱得非常投入。
下載APP