鄭秀文（Sammi）開唱掀起全城搶飛熱潮，為咗畀更多歌迷能入場欣賞演出，Sammi同主辦單位商討後，決定每人限買四張飛。近日，網上瘋傳許志安（安仔）同黎明30年前嘅舊合照，仲笑安仔個樣好傻。對此，Sammi話：「純講笑嚟睇，許志安真係要反省下，佢後生嗰時似笠咗絲襪出街，好彩之後五官開番，冇咗嗰絲襪樣。睇我幾偉大，笠絲襪樣都唔介意。」
鄭秀文笑老公許志安以前個樣好似笠住絲襪出街。
除咗被網民嘲笑，就連老婆Sammi都笑埋一份，其實安仔都幾慘豬！不過，安仔似乎毫不介意，佢仲喺Instagram貼出當年同黎明世紀合照時著嘅Benetton衛衣相，佢話：「想不到這件衣服陪伴我30年，穿上它，溫暖仍在。」唔少網民見到都大讚安仔係長情好男人，連30年前嘅舊衫都保存至今，亦有人留言表示：「期待安仔同黎明重新演繹30年前世紀合照！」
許志安同黎明30年前嘅舊合照慘被網民嘲笑。
下載APP