鄭秀文（Sammi）為9月舉行嘅演唱會進行宣傳。大會宣布Sammi繼續稱霸紅館，踏足紅館20年創下81場演出紀錄。問到呢次演唱會有冇諗過叫老公許志安上台，同粉絲打聲招呼？Sammi就話許志安其實每次都喺後台，但上台就應該唔會。其實每次Sammi嘅演唱會都會湧現大量黃牛黨買飛，今次都唔例外，消息傳出後網上就已經有炒價飛賣！
鄭秀文喺網上宣布9月舉行嘅演唱會開始公開發售。
鄭秀文「Touch Mi Part 2 演唱會」喺今日（20日）正式公開發售，不過噚日就已經有排隊黨出動，搶佔唔同售票處嘅前排位置，真係想買張飛都有難度，而網站上780元嘅飛就賣到3,000元一張。為咗安撫粉絲嘅情緒，Sammi噚日就拍咗兩條短片放上網，向粉絲道歉，而Sammi就用咗呢期最Hit嘅Angry Bird造型現身，的確搞笑。
鄭秀文化身成Angry Bird，向粉絲道歉。
下載APP