網民爆出疑似吳亦凡嘅床照，喺網上引嚟極大回響。
韓國EXO前中國籍成員吳亦凡（Kris），自退團回國發展後各種邀約不斷，人氣爆燈。噚日，有一名自稱係Kris女友嘅網民，喺微博公開咗疑似同Kris嘅聊天記錄，隨後Kris即透過經理人發表聲明，指網傳「女友」一事純屬虛構。其後，該名網民貼出兩張疑似係Kris嘅床照，之後又火速刪除，但呢兩張相喺網上已被瘋傳，令事件變得一發不可收拾。
吳亦凡暫時未有對床照事件作出回應。
喺曝光嘅照片中，見到一個男人瞓緊覺，五官的確同Kris十分相似。其後，網上又流出一段音頻，爆料人指Kris曾喺澳門相約女性友人，音頻中把男人聲同Kris極為相似。消息曝光後，Kris嘅經理人則喺微博回應：「看到了，大家稍安。」睇嚟要啲時間去同Kris「了解」件事。不過，有粉絲就力撑偶像，指相中男子後腦冇疤痕，所以並非Kris本人。
下載APP