（早前有傳無綫找江嘉敏頂替黃心穎重拍《牛下女高音》，現在終於不用重拍。）
（黃心穎於《牛》劇戲份由頭帶到尾，重拍超級困難。）
（《牛下女高音》由黃心穎、鍾景輝和張振朗等擔正，現在不用重拍，最開心應該是張振朗。）
許志安與黃心穎爆出「安心偷食」後，黃心穎一度於幕前「人間蒸發」，她主唱的《愛回家．開心速遞》主題曲和旅遊節目《㦤想得到》任嘉賓的集數被抽起。有份演出的劇集《堅離地愛堅離地》、重頭劇《法證先鋒IV》和孭飛劇《牛下女高音》等，不是重拍就是放入倉底，早前曾有傳無綫打算找上位小花江嘉敏頂心穎一角執手尾。不過事情有新發展，有指劇集可能有機會原班人馬重現電視機前。
據悉，無綫在上周五（21日）開會後決定不再重拍《牛》劇，所以黃心穎有得留低幕前，現時劇組唯有寄望觀眾快點丟淡「安心事件」，日後劇集就可以安排原裝版本播出。
至於有份主演《牛》劇的鍾景輝（King Sir），今日接受傳媒訪問時，直認收到劇集不用重拍消息，他表示有聽聞過少少，問他是否TVB擔心老人家重拍會太辛苦？他說：「唔係，佢哋好難召集演員時間，同埋有啲地點冇咗，好似香港大埔嗰個天鵝湖（白鷺湖互動中心），打風後都冇晒啦。」再問他覺得原裝版本出街會否更好？King Sir說：「公司決定，我無所謂。」
重拍《牛》劇有難度
其實重拍30集的《牛下女高音》絕非易事，因黃心穎的戲份由頭帶到落尾，劇集也拍畢接近一年，所有演員和髮型都有不少變化，令重拍增加難度。《牛下女高音》由鍾景輝、吳岱融、羅冠蘭和蔣志光等好戲之人主演，講一班中年人追夢的故事，十分勵志。
（編輯：黎永樂 李倩瀅）
下載APP