近日，陳冠希同已經結過婚嘅大陸模特兒秦舒培傳出戀情，令到佢再度成為記者嘅追訪對象。其後，因為秦舒培嘅老公大爆佢仲未離婚，所以令到陳冠希有搞人老婆嘅嫌疑。噚日凌晨，陳冠希現身香港國際機場，準備坐凌晨12點飛機去洛杉磯，點知遇著大批記者喺機場守候，見到佢之後仲狂影相，令到陳冠希非常不爽。
陳冠希入閘前叫記者：「返屋企收工喇！你哋！」
踢住拖鞋戴住耳筒嘅陳冠希，睇落臉色唔多好，仲有啲黑。而佢身邊嘅司機就同記者講：「影相可以，唔好推就得！」而陳冠希就一路急急腳行。當有記者問佢點睇秦舒培喺網上嘅言論時，陳冠希就勁串咁向記者講：「我想講你好靚仔，超靚仔，你睇下你個樣！」喺臨入閘時，陳冠希就再向記者講：「返屋企收工喇！你哋！」
陳冠希勁串咁向記者講：「我想講你好靚仔！」
下載APP