鄭秀文（Sammi）喺馬來西亞連開兩場「Touch Mi鄭秀文世界巡迴演唱會」，全場爆滿。喺演唱會上，Sammi以〈Bang Bang Bang〉、〈螢光粉紅〉和〈煞科〉等勁歌熱舞揭開序幕，其後換上多套全新戰衣，令粉絲嘅相機閃過不停。演出期間，有粉絲送上鮮花同禮物，其中一張大型心意卡更用咗Sammi做完運動，滿頭大汗嘅相配上「Never Give Up」字句，寓意佢嘅堅毅意志係粉絲嘅好榜樣。
當唱出〈不要驚動愛情〉時，Sammi自嘲40歲先嫁得出，呼籲單身粉絲要耐心等候愛情來臨。其後，台下有位男歌迷特別激動，動作和叫聲都異常誇張，Sammi見到就話：「呢位肥仔好激動喎！係咪因為見到我嘅靚腿呢？」呢次馬來西亞演唱會，Sammi獲舊同學前來捧場，仲送咗榴槤蛋糕畀佢。演唱會結束後，Sammi就切榴槤蛋糕慶功，仲拍片放上網同粉絲分享喜悅。
鄭秀文喺演唱會上換上多套全新戰衣。
演唱會一開場，鄭秀文以多首快歌揭開序幕。
下載APP