噚日，出道11年嘅方大同宣布成立自創音樂品牌「賦音樂」，準備推出籌備超過兩年嘅新碟《JTW西遊記》，首發單曲〈悟空〉將於今日（1號）首播。喺單曲封面中，方大同顛覆以往斯文形象，除下眼鏡以強烈嘅視覺效果呈現孫悟空嘅樣貌，突出佢身心嘅蛻變。之所以將新碟命名為《JTW西遊記》，方大同話係因為自己嘅成長經歷就似一場「西遊記」。
方大同顛覆以往斯文形象，除下眼鏡以強烈視覺效果呈現孫悟空嘅樣貌。
方大同喺夏威夷出世，從小喺西洋音樂嘅熏陶下成長，七歲返到上海，開始接觸東方文化元素。《西遊記》嘅故事畀咗方大同好多啓發，因此佢喺19歲時，用「孫悟空」作題材創作歌曲〈悟空〉。今次終於將珍藏14年嘅作品推出，方大同話：「自己從乜都唔識，喺音樂呢條漫漫長路上摸索學習，慢慢搵到自己想要做到嘅嘢，希望用自己嘅音樂帶畀大家一啲啓發。」
方大同喺19歲時，用「孫悟空」作為題材創作歌曲〈悟空〉。
下載APP