因演出《哈利波特》系列電影中「妙麗」一角，喺全球爆紅嘅嘅英國影星愛瑪屈臣（Emma Watson），去年宣布演出迪士尼經典動畫《美女與野獸》真人版女主角「貝兒」，令一眾影迷十分期待。雖然套戲要等到明年先正式上映，但噚日電影公司公開咗首條預告片，片中視覺特效令人驚歎，場景極盡華麗，真實重現咗1991年動畫原版入面迷人嘅舞會大廳。
愛瑪屈臣演出《美女與野獸》「貝兒」一角，令影迷十分期待。
喺預告片中，飾演「貝兒」嘅愛瑪屈臣終於登場，但鏡頭剛好畀一朵玫瑰花遮住咗，暫時未能睇到佢個靚樣，但足以挑起影迷對套戲嘅興趣。原作故事中重要嘅象徵物玫瑰花頻頻喺片中出現，而且片段沿用1991年動畫版主題曲做配樂，令唔少粉絲都好奇今次迪士尼會忠於經典，定係會似拍攝《黑魔后：沉睡魔咒》嘅方式咁去大改童話。
愛瑪屈臣被一朵玫瑰花遮住咗個樣，真係吊足癮。
下載APP