陳小春在金光綜藝館舉行澳門站個唱，全場爆滿。
陳小春一口氣唱出〈神啊救救我〉、〈相依為命〉等多首膾炙人口的金曲。
陳小春分別用葡語、國語和廣東話向台下的中港澳觀眾打招呼。
應采兒特地來澳捧老公場。
向華強和陳嵐夫婦當晚亦有前來支持陳小春。
陳小春和兒子一齊拍攝的內地真人騷，受「限童令」影響播出無期。
前晚（6日），陳小春在威尼斯人金光綜藝館舉行《Stop Angry巡迴演唱會》澳門站演出，全場爆滿。演出前小春先和台前幕後工作人員進行拜神儀式兼切燒豬，到正式表演時，小春老婆應采兒與他的大班好友，包括秦嵐、張耀揚、尹揚明及天堂鳥等齊齊捧場。完騷受訪時提到內地近日推出「限童令」（又稱「限娃令」），禁止利用兒童宣傳節目賺錢，令小春跟他的五歲兒子Jasper的《爸爸去哪兒6》無緣播出。小春坦言唔播都無辦法：「由佢啦！」 （文：植筱詩）
個唱一開場，以閃閃斗篷亮相的小春一口氣唱出多首快歌，然後他分別用葡語、國語和廣東話向觀眾打招呼，又即場投票選出當晚的主語言，最後由廣東話「勝出」，他亦特別感謝一班好友特意前來捧場：「兩個字『感恩』，多謝大家！」此時大屏幕影著台下的應采兒興奮地舉起V 字手勢。隨後，小春唱出〈神啊救救我〉、〈取消資格〉、〈不歡而散〉、〈相依為命〉等他的多首經典金曲。
〈友情歲月〉牽高潮
當唱出經典歌〈友情歲月〉時，全場即報以熱烈掌聲。小春笑指這首歌可能「年長」過好多在場觀眾，而自己到目前為止亦唱過無數次，他感慨地說：「廿幾年嚟我自己都有好多變化，有啲Fans仲有小朋友同家庭，好多由漂泊生活變得安定，多謝大家20年嚟對我不離不棄。」最後Encore環節，小春再次登台唱出〈抱一抱〉、〈獨家回憶〉及〈多謝老天爺〉。
應采兒拉大隊捧場
演唱會結束後，小春接受訪問時，表示澳門較近香港，所以老婆特地拉大隊來捧場：「佢次次都拖行馬嚟，搞到我都要預先買定飛招呼朋友，費事佢哋嚟到冇位坐。」問到囝囝Jasper為何無來，他說：「費事佢嚟到冇人湊，老婆又有一班朋友要招呼，冇理由叫外父外母嚟。」
囝囝拍節目有得著
早前，小春和Jasper一齊拍攝的內地真人騷節目《爸爸去哪兒6 》受「限童令」影響，以致播出無期。對此，他表示：「由佢啦，工作都係咁做，唔播都冇辦法，其他嘢我唔識。」他強調無論播出與否，在拍攝期間已經跟囝囝獲益良多：「可以同個仔去其他地方，體驗人哋嘅風土人情，雖然佢而家仲細未必知，但相信佢長大之後會感受到，亦都比同齡小朋友得著更加多。」
下載APP