陳小春在昨晚（6日）於威尼斯人金光綜藝館舉行《Stop Angry巡迴演唱會》澳門站演出，全場爆滿。小春老婆應采兒及一大班好友，包括鄭希怡、秦嵐、黃伊汶、關心妍、張耀揚、尹揚明及天堂鳥都有來捧場。小春完騷後接受訪問，表示澳門較近香港，所以老婆特地拉大隊來捧場：「佢次次都拖行馬嚟，搞到我都要預先買定飛招呼朋友，費事佢哋嚟到冇位坐。」問到5歲兒子Jasper為何無來，他說：「費事佢嚟到冇人湊，老婆又有一班朋友要招呼，冇理由叫外父外母嚟。」
早前，小春和Jasper一齊拍攝的內地真人騷節目《爸爸去哪兒6》受「限童令」（又稱「限娃令」）影響，以致播出無期。對此，他表示：「由佢啦，工作都係咁做，唔播都冇辦法，其他嘢我唔識。」他強調無論播出與否，在拍攝期間已經跟囝囝獲益良多：「可以同個仔去其他地方，體驗人哋嘅風土人情，雖然佢而家仲細未必知，但相信佢長大之後會感受到，亦都比同齡小朋友得著更加多。」
（編輯：黎永樂 麥敏楨）
（陳小春和兒子一齊拍攝的內地真人騷，受「限童令」影響播出無期。）
下載APP